मराठी बालभारती Questions Answer Class 8 Chapter 14 Balbharati Maharashtra Board

फुलपाखरे

प्र. 1. वैशिष्ट्येलिहून तक्ता पूर्ण करा.

फुलाचे नाव	देठ	पाने	फुले
(1) झिनिया	सरळ, मजबूत आणि काहीसे चपटे	मोठी, दातेरी कड असलेली, गर्द हिरवी	विविध रंगांची मोठी, आकर्षक, चमकदार
(2) पारिजातक	पातळ व थोडेसे वाकलेले	लांबट, खरखरीत व गर्द हिरवी	पांढऱ्या पाकळ्या व केशरी मध्य असलेली सुगंधी फुले

प्र.2. कारणे लिहा.

(अ) लेखक आनंदाने नाचणाऱ्या सृष्टीचा आनंद घेऊ शकत नव्हता, कारण…

उत्तर – लेखक प्रकृती अस्वस्थ असल्याने त्याला सृष्टीच्या सौंदर्यात रमता येत नव्हते.

(आ) लेखकाच्या मनावरचे मळभ दूर झाले, कारण…

उत्तर – स्टेशनवरील बागेतील सुंदर झेनियाची फुले आणि रंगीबेरंगी फुलपाखरांची चैतन्यमय हालचाल पाहून त्याचे मन आनंदित झाले.

प्र.3. योग्य जोड्या लावा.

‘अ’ गट	‘ब’ गट
(1) सृष्टी	(अ) सुफल
(2) राठ दांडा	(आ) झेनिया
(3) नाजूकपणा	(इ) पारिजातक
(4) बहुढंगी	(ई) फुलपाखरे

प्र.4. पाठाच्या आधारे तुलना करा.

फुलपाखरांचे जीवन	मानवी जीवन
(1) फुलपाखरांचे जीवन अल्पायुषी असते, परंतु ते आनंदाने जगतात.	(1) माणसाचे जीवन दीर्घकाळ टिकते, पण तो अनेक चिंता व समस्यांमध्ये गुरफटून जातो.
(2) फुलपाखरांना कुठलाही मोह नसतो; ते फुलांवर बसून आनंद घेतात.	(2) माणूस मोहात अडकतो व कधी कधी जीवनाचा आनंद घ्यायला विसरतो.

प्र.5. पाठाच्या आधारे तुमच्या शब्दांत लिहा.

(अ) या पाठातून लेखकाने दिलेला संदेश.

उत्तर – जीवनात अडचणी आणि संकटे येतात, पण त्यांना सकारात्मक दृष्टीने पाहून आनंदी राहायला शिकले पाहिजे.

(आ) निसर्गातील घटक मानवी जीवन आनंदी करतात.

उत्तर – निसर्गातील वृक्ष, वेली, फुले आणि फुलपाखरे हे मानवी जीवनात आनंद निर्माण करतात आणि संकटांवर मात करण्यासाठी प्रेरणा देतात.

प्र.6. ‘जशी दृष्टी तशी सृष्टी’ या वचनातील विचार स्पष्ट करा.

उत्तर – एखाद्या गोष्टीकडे पाहण्याचा दृष्टिकोन ठरवतो की ती आपल्याला आनंददायी वाटेल की निराशाजनक. जर आपला दृष्टिकोन सकारात्मक असेल, तर सृष्टीदेखील आनंददायी वाटते.

प्र.7. ‘भाषेतील सौंदर्य’ या दृष्टीने पाठातील वाक्ये शोधा व लिहा.

उत्तर – उदाहरणे:

जीवनाची, चैतन्याची, आनंदाची कारंजी येथे थुई थुई उडत होती.
उडताहेत ती फुले, की डोलताहेत ती फुले, अशी शंका वाटण्याइतके रंगांचे सादृश्य झेनियाच्या फुलांत नि त्या फुलपाखरांत होते.